Semeılikter «Beıbitshilik» aralyn qoqystan tazartty
SEMEI. QazAqparat – Semeı qalasynda toǵyz myńnan astam turǵyn #Birge - #TazaQazaqstan ekologııalyq aktsııasyna qatysty, dep habarlaıdy QazAqparat qalanyń aqparattyq ortalyǵyna silteme jasap.
Aktsııa barysynda Semeıdiń «Beıbitshilik» araly men Mırnyı kenti qoqystan tazartyldy.
«Sharaǵa jergilikti atqarýshy bılik ókilderi, depýtattar, mekeme qyzmetkerleri, eriktiler men belsendi jastar qatysyp jatyr. Ortaq maqsat-qorshaǵan ortany taza ustaý jáne tabıǵatty qurmetteý», - dedi Semeı qalasynyń Turǵyn úı-kommýnaldyq sharýashylyq jáne turǵyn úı ınspektsııasy bóliminiń basshysy Amantaı Ótelbaev.
Jınalǵan qoqystar onyń ishinde shyny bótelkeler men plastıkter arnaıy qatty turmystyq qaldyqtardy óndeıtin polıgonǵa jiberilip, qaıta óńdeledi.
Aıta keteıik, ekologııalyq aktsııa Semeıde ár senbi saıyn ótkiziletin bolady.
