Semeılik jastar Prezıdent saılaýyna qoldaý bildirdi
Pikirtalasqa qaladaǵy jastar uıymdarynyń kóshbasshylary men erikti jastar qatysty. Shara maqsaty - jastar arasynda Prezıdent saılaýynaldyn ala túsindirý jumystaryn júrgizý, saılaý ýchakelerinde qalaı daýys berý kerek ekenin túsindirý.
Aǵymdaǵy jyldyń 9 maýsymynda kezekten tys Prezıdent saılaýyn ótkizý týraly bastamaǵa qoldaý bildirgen jastar pikirtalas alańynda oılaryn ortaǵa salyp, saıası sheshimdi qoldaıtyndaryn jetkizdi. "Nur Otan" partııasy janyndaǵy " Jas Otan" jastar qanatynyń ShQO Semeı qalalyq bólimshesiniń jetekshisi Almas Aıtmuqash jıynda sóz alyp, "Nur Otan" partııasynyń saılaý kezindegi jumystary týraly aqparat berdi.
"Mańyzdy oqıǵanyń máni týraly pikirtalasqa 120 jas qatysty. Úsh spıker jınalǵan jastarǵa saılaý jóninde aqparatty jan-jaqty aıtyp berýge tyrysty. Jastar el bolashaǵy. Sondyqtan elimizde bolyp jatqan mańyzdy oqıǵalardan jastar shet qalmaıdy. Múmkindigimizshe kómektesýge daıynbyz", - dedi Almas Aıtmuqash.
Pikirtalas sońynda jastar el Prezıdentiniń Úndeýin zor túsinistikpen qabyldap, qoldaıtyndyqtaryn aıtty. Jəne qala turǵyndaryna saılaý jóninde aqparattyq habarlamalar taratyp, múmkindigi shekteýli jandar men qarttardyń saılaýǵa qatysýyna kómektesetinderin aıtty.
