Semeılik jastar bal bıi boıynsha halyqaralyq týrnırdi jeńip aldy
SEMEI. QazAqparat – Semeılik bıshiler jaqynda Máskeýde ótken «European Artistic dance Championship» sporttyq bal bıleri boıynsha halyqaralyq týrnırdiń jeńimpazdary atanǵan, dep habarlaıdy QazAqparat.
Týrnırge Reseı, Belarýs, Grýzııa, Armenııa, AQSh, Frantsııa, Chılı, Slovenııa, Polsha, Gretsııa, Ýkraına, Makedonııa, Belgııa, Shvetsııa, Chernogorııa, Chehııa, Horvatııa jáne Italııanyń tóreshileri men jas bıshileri qatysty.
Qazaqstan namysyn qorǵaýǵa Anna Ostrovskaıanyń jetekshiligimen «MıksDans» bı jáne sport klýbynyń tárbıelenýshileri attanǵan. Caıys qorytyndysyna sáıkes semeılik Islana Nurtazına cha-cha-cha jáne samba boıynsha Eýropa chempıony, sondaı-aq baıaý valsten qola júldeger atandy. Aıdana Baǵdatova cha-cha-cha jáne sambadan kúmis júldeger, Kamıla Itjanova cha-cha-cha, samba, djaıv jáne rýmbadan (eń uzaq jáne eń qıyn sanat) Eýropa chempıonatynyń fınalısti atandy.
Semen Berkov pen Innar Amırhanov ta óz nátıjelerimen tańqaldyrdy. Olar cha-cha-cha, samba jáne baıaý valsten Eýropa chempıonatynyń jartylaı fınalyna deıin jetken.
«Balalarymyzdyń, olardyń ata-analarynyń jáne jattyqtyrýshylarynyń úlken eńbeginiń arqasynda eń bedeldi týrnırlerdiń birinde elimizdiń týy jelbiredi. Qýanyshtan kózimizge jas aldyq. Biz olardy maqtan tutamyz!», - deıdi bı jáne sport klýbyndaǵylar.
Aıta keteıik, Anna Ostrovskaıa Máskeýge barǵan saparynda bı sporty kongresine qatysyp, halyqaralyq dárejedegi tóreshi mártebesin aldy.
