Semeılik jastar 15 adamdy órtten qutqarǵan beıbit kúnniń batyrymen kezdesti

SEMEI. QazAqparat - Semeı qalasynda «Qazaqstannyń 100 jańa esimi» jobasynyń jeńimpazy Qýandyq Qanatovpen kezdesý ótti, dep habarlaıdy QazAqparat.

Efreıtor Qýandyq Qanatov tún jarymynda qyzyl jalyn sharpyǵan jataqhana ishinen 15 adamdy qutqaryp qalǵan. Osy úshin ol «Erligi úshin» medalimen marapattaldy. Beıbit kúnniń batyry «Qazaqstannyń 100 jańa esimi» jobasynyń jeńimpazy da atanǵan.

Radıotehnıka jáne baılanys kolledjiniń stýdentterimen kezdesý barysynda Qýandyq sol oqıǵanyń qalaı bolǵanyn aıtyp berdi.

«Bári qas qaǵym sátte óte shyqty. Oılanbastan kómekke umtyldym. Meniń ornymda kim bolsa da solaı ister edi. Jataqhana turǵyndarynyń basym bóligi qarttar men balalar bolatyn», - deıdi ol.