Semeılik jas bıshiler xalyqaralyq baıqaýda bas júlde ıelendi
SANKT-PETERBÝRG. QazAqparat - Reseıdiń Sankt-Peterbýrg qalasynda «V lýchah sofıtov» ІІІ xalyqaralyq baıqaý-festıvali ótti. Oǵan Qazaqstan men Reseı ónerpazdary jınaldy, dep habarlaıdy QazAqparat.
29-30 naýryz kúnderi ótken baıqaý barysynda 100 túrli janrdaǵy bıler usynyldy. Qazaqstannan qatysqan semeılik bıshiler 6 toptyq jáne 8 jekeleı óner kórsetti.
«Klassıkalyq toptyq bı ádilqazylardyń joǵary baǵasyn alyp, birinshi orynǵa laıyq dep tanyldy. Al ulttyq bı úzdik úshtikten kórindi. Jeke óner kórsetken Dılnaz Orynbasarova, Іnkár Maqanova, Baqyt Edilqyzy, Daıana Álimbaevalar birinshi oryndy ıelendi», - dep málim etti bıshilerdi bastap barǵan ustaz Anna Kachanova.
Sondaı-aq málim bolǵandaı, shara barysynda Anna Kachanova «Tárbıege qosqan úlesi úshin» medalimen marapattaldy. Pedagogty nagradtaý týraly qujatqa RF prezıdenti Vladımır Pýtın qol qoıǵan.
