Semeılik zeınetker Shyǵys Qazaqstandaǵy saǵattyq beldeýdi ózgertýdi usyndy
SEMEI. QazAqparat – Semeılik zeınetker Rostıslav Polkovskıı Shyǵys Qazaqstan oblysyndaǵy saǵattyq beldeýdi ózgertýdi usyndy, dep habarlaıdy QazAqparat tilshisi.
Osyndaı usynysty ol aımaq basshysy Danıal Ahmetovke joldaǵan.
«Óńir turǵyndary óz ýaqyt beldeýinde turyp jatqan joq. Jazdyń kúni saǵat 21:00-de qarańǵy túse bastaıdy. Balalardy úıge kirgizip, jaryq qosamyz. Al saǵat 04.00-de kún shyǵyp, onyń adamǵa paıdasy mol sáýlesi túskende biz uıqyda jatamyz. Al tańerteń saǵat 9.00-da, bazarda isteıtin halyq 10.00-da jumysqa jol tartqanda kún qatty ysyp ketedi», - dep jazady Rostıslav Polkovskıı.
Zeınetker saǵat tilin bir saǵatqa alǵa jyljytýdy usynyp otyr. Onyń aıtýynsha, ýaqyt beldeýin ózgertý oblys jurtshylyǵynyń densaýlyǵyn jaqsartyp, elektr qýatyn únemdeıdi.
«Buǵan Shyǵys Qazaqstannyń mıllıonnan astam turǵyny rıza bolady. Al Óskemen, Altaı jáne basqa da qalalar men eldi mekender osydan da qıyn jaǵdaıda ómir súrip jatyr. Óıtkeni onda kún Semeıden de erte batady», - deıdi R. Polkovskıı.
Semeı turǵyny qalalyq máslıhat depýtaty Gúljanat Rahatqyzyna osyndaı usynyspen júgingen bolatyn. Qazirgi ýaqytta hat oblys ákimi Danıal Ahmetovke joldandy.
Aıta keteıik, búginde Semeıde kún 7:45-te, Óskemende 7:35-te, elordada 8:22-de shyǵady. ıAǵnı, bir saǵatqa jýyq aıyrmashylyq bar.
