Semeılik ustazdar bir kúndik jalaqysyn aýdaryp, jetim qyzǵa páter alyp berdi

SEMEI. QazAqparat - Muhtar Áýezov atyndaǵy pedagogıkalyq kolledj ujymy ata-ana qamqorlyǵynsyz qalǵan boıjetkenge bir bólmeli páterdiń kiltin syıǵa tartty, dep habarlaıdy QazAqparat Altaynews.kz agenttigine silteme jasap.

Quny 2 mln 700 myń teńge turatyn bul páter Semeıdiń Shyǵys kentindegi kópqabatty úılerdiń birinde ornalasqan. Qomaqty qarajatty jınaý úshin pedagogıkalyq kolledjdiń barlyq qyzmetkeri Nazerkeniń jeke shotyna bir kúndik jalaqylaryn aýdarǵan eken.

Nazerke Qostaeva atalmysh oqý ornyn «Pedagog-uıymdastyrýshy» mamandyǵy boıynsha byltyr ǵana  bitirgen bolatyn. Oqyp júrgen kezinde kolledjdiń jataqhanasynda turǵan. Endi mine ol óziniń jeke baspanasyna qol jetkizip otyr.