Semeılik stýdent úsh balany qutqarǵany úshin medalmen marapattaldy
SEMEI. QazAqparat - Órt kezinde úsh balany qutqarǵan semeılik stýdent erlik jasaǵany úshin marapattaldy, dep habarlaıdy «QazAqparat» HAA tilshisi Semeı TJB baspasóz qyzmetine silteme jasap.
Oqıǵa bıyl qańtar aıynyń sońynda bolǵan. Qurylys kolledji jataqhanasynyń tórtinshi qabatynda elektr symdar júıesi men elektr esepteýish avtomaty janyp ketken.
Jasulan Berekeev órt sóndirýshilerdi kútpeı, kishkentaı qyzdyń jylaǵan daýysyn estip, kómekke keledi. Onyń betin óziniń bas kıimimen jaýyp, qaýipsiz jerge alyp barady. Keıin Jasulan besinshi qabatqa kóterilip, taǵy eki balany taýyp alady. Olardyń betterin kúrtesimen jaýyp, taza aýaǵa alyp shyǵady.
Osylaısha, Jasulannyń erliginiń arqasynda 2-den 7 jasqa deıingi úsh bala aman qalǵan.
Jasóspirim marapattaý rásiminde qorqýǵa ýaqyt jetpegenin aıtty.
