Semeılik sarbazdar qandy oqıǵa bolǵan jol boıynda kezekshilik atqarýda
SEMEI: QazAqparat - 3 sáýir kúni Semeıde bolǵan jol apatynan keıin Ulttyq Ulannyń sarbazdary jol boıynda kezekshilik atqarýda, dep habarlaıdy QazAqparat.
Qarjaýbaıuly kóshesinde oryn alǵan qaıǵyly oqıǵadan keıin qazir Ulttyq ulannyń sarbazdary kezekshilik atqarýda. Osy joldyń jıegindegi № 3 mektep ornalasqan. Sondyqtan oqýshylardyń barlyǵy rettelmegen jaıaý júrginshiler ótkelinen ótedi. Bul jerde jyldamdyqty 40 km/s-ǵa deıin tómendetý belgisi kórsetilgenimen, kólik júrgizýshileri jyldamdyq asyryp, qaýipsizdik erejelerin eskermeıdi. Al sarbazdar oqýshylardy joldan ótkizip, ereje buzǵan júrgizýshilerdi toqtatyp, eskertý jasaýda.
«Bizdiń sarbazdar oqıǵa oryn alǵan jolda 18.00-den túngi saǵat 12-ge deıin kúndelikti kezekshilik atqarýda. Olar oqýshylar men qatar turǵyndardyń da joldan ótýine kómektesedi. Júrgizýshilerdi toqtatyp, eskertý, túsindirý jumystaryn júrgizedi», - deıdi QR Ulttyq Ulanynyń 5511 áskerı bólimi komandıriniń tárbıe jónindegi orynbasary Amanjol Baıqýanyshev.
Eske sala ketsek, osy jerde júk kóligi 2 mektep oqýshysyn qaǵyp ketken bolatyn. Saldarynan 1 qyz bala kóz jumdy.
