Semeılik óz páterin qoqys polıgonyna aınaldyrǵan
SEMEI. QazAqparat - Semeıde óz páterin qoqys ornyna aınaldyrǵan turǵynǵa sot sheshimi shyqty, dep habarlaıdy QazAqparat.
Qaladaǵy Qozbaǵarov kóshesindegi kópqabatty úılerdiń birindegi páter qoqys polıgonyna aınalǵan. Qala turǵyny birneshe jyl boıy daladaǵy qatty turmystyq, metall, tamaq qaldyqtary men eskirgen kıim-keshek, qabyrǵa qaǵazdary men basqa da zattardy úıine jınaı bergen. Taý bop úıilgen qoqys qaldyqtardan páterge attap basý múmkin emes.
Qolqany qabatyn ıis bylaı tursyn, las páterde túrli jándikter men kemirgishter kóbeıip, úı turǵyndarynyń esin shyǵarǵan. Sebebi, birinshi qabattaǵy taraqandar 5-shi qabattaǵy páterlerdi de jaýlap alǵan. Turǵyndar úı ıesin jónge sala almaǵan soń sotqa júgingen. Azamattyq isti qaraǵan Semeı qalalyq soty páter ıesine sheshim kúshine engen kúnnen bastap 10 kún ishinde úıdi qoqystan bosatýǵa mindettedi.
«Turǵyn úı qatynastary týraly» Zańynyń 4 babynyń 2 tarmaǵyna sáıkes (Turǵyn úılerdi paıdalaný)turǵyn úıdi paıdalaný onyń buzylýyna nemese búlinýine ákelip soqpaýǵa, basqa turǵyndardyń turý jaǵdaılaryn buzbaýǵa, qorshaǵan ortaǵa zalal keltirmeýge tıis»,-dedi Semeı qalalyq sotynyń baspasóz qyzmetinen.
