Semeılik óz áıeliniń atynan jasyryn 3 kredıt alǵan
NUR-SULTAN. QazAqparat – Semeı qalasyndaǵy Zaton polıtsııa bólimine alaıaqtyqtyń qurbany boldym dep bir áıel aryz jazǵan, dep habarlaıdy QazAqparat Semeı qalalyq Polıtsııa basqarmasynyń baspasóz qyzmetine silteme jasap.
Ol «Money man», «Chestnoe slovo» men «Vıkı» arqyly óziniń atynan belgisiz bireýler 538 myń teńge onlaın shaǵyn nesıe resimdep alǵanyn úshin shaǵymdanǵan.
«Jedel izdestirý sharalary barysynda polıtsııa qyzmetkerleri alaıaqty birden ustady. Anyqtalǵanyndaı, nesıeni áıeldiń 31 jastaǵy azamattyq nekedegi kúıeýi resimdegen. Ol ózimen birge turatyn áıeldiń qujattar rekvızıti men bank kartasynyń nómiri arqyly alaıaqtyq jasaǵan», - dep habarlaıdy basqarmadan.
Qazirgi ýaqytta atalmysh fakt boıysha QR Qylmystyq Kodeksiniń 190-baby (alaıaqtyq) boıynsha sotqa deıingi tergeý amaldary júrgizilip jatyr.
