Semeılik ólketanýshylar qalanyń negizin salǵan azamatqa eskertkish ornatýdy usyndy
ASTANA. QazAqparat - «Ertis mańy» ólketaný qoǵamynyń músheleri ákimdikke qalanyń negizin qalaýshy Ivan Grıgorevıch Andreevke eskertkish ornatý ótinishimen júgindi. Ol qazirgi qala turǵan jerge alǵash ret 1776 jyly kelgen. Qazirgi Semeıdiń naqty qaı jerge salynatynyn belgilegen. Qalanyń irgetasy burynǵy býdda hramynyń janyna qalandy, ol jer keıinnen «Sem palat» dep atalyp ketti, dep jazady semeyainasy.kz.
«Ústimizdegi jyldyń 11 qyrkúıeginde «Ertis mańy» ólketaný qoǵamynyń tóraǵasy Marat Sasanov qala ákimdigine Semıpalatınski qamalynyń shekarasyna Ivan Andreevtiń eskertkishin salý ótinishimen kelgen. Hatty mádenıet jáne tilderdi damytý bólimi qarap, eskertkishter ornatý jáne eskertkish óneri qurylystarymen aınalysatyn oblystyq organǵa jibergen», - deıdi mádenıet bóliminiń mamany Qýat Kıikbaev qoǵamdyq keńestiń otyrysynda.
Ivan Andreevtiń portreti saqtalmaǵanyn eskersek, qalanyń negizin qalaýshynyń kelbetin uqsatý qıynǵa soǵady. Soǵan qaramastan, músinshiler tarıhı anyqtamalar men muraǵat málimetterdiń negizinde onyń «salýy» múmkin.
