Semeılik oqýshylar Abaı óńiri tarıhı-mádenı murasynyń ınteraktıvti kartasyn ázirledi
Atalǵan karta arqyly saıahatshylar qasıetti ólkeniń tarıhı oryndary týraly 3 tilde aqparat ala alady.
Interaktıvti kartany ázirlegen Semeı qalasyndaǵy fızıka-matematıka baǵytyndaǵy Nazarbaev zııatkerlik mektebiniń 9-synyp oqýshylary Mıras Aıtbek pen Danııal Moldybekov avtorlyq quqyqqa ıe boldy.
«Kartamyz ázirge maket túrinde jasaldy. Degenmen, saıahatshyǵa qajetti aqparattyń barlyǵyn qamtydyq dep aıta alamyn. Nege deseńiz, Semeı-Qaraýyl kúre jolynan bastaý alatyn karta marshrýty Kúshikbaı asýynan Bórilidegi M. Áýezov murajaı-úıi, Qasqabulaq, Oıqudyq, Eńlik-Kebek úńgiri, Eraly jazyǵy, Áıgerim qystaýy, Jıdebaıdaǵy memorıaldy keshenge deıingi tarıhı-mádenı oryndar jaıly mol maǵlumat beredi. Bizdiń kartamyzdyń artyqshylyǵy – saıahatshyǵa yńǵaıly bolý úshin qazaq, orys, aǵylshyn tilderinde aqparattar júkteldi. Al, osy aqparattardy oqymaı, tyńdaǵysy keletinder úshin aýdıo jazba engizdik. Demek, ózine kerekti aqparatty ártúrli áleýmettik jeliden izdeýdiń qajeti joq. Barlyǵy bir jerge toptastyrylǵan kartany paıdalansa bolǵany», - deıdi Mıras Aıtbek.
Oqýshylar bolashaqta karta maketin tolyqqandy saıtqa aınaldyryp, onyń ınternetsiz jumys isteýine jaǵdaı týdyrýdy maqsat etip otyr.
