Semeılik oqýshylar 3 myń rýbık tekshesinen Abaıdyń portretin jasady
SEMEI. QazAqparat – Semeı qalasynda oqýshylar 3 myń rýbık tekshesinen Abaıdyń panno portretin jasap shyqty, dep habarlaıdy QazAqparat tilshisi.
10 tamyz – Abaı kúnine oraı semeılik oqýshylar uly aqynnyń panno portretin jasady. Ol úshin 3000 rýbık tekshesi qajet boldy. Buǵan deıin oqýshylar Saıası qýǵyn-súrgin qurbandaryn eske alý kúninde Álıhan Bókeıhannyń portretin jasaǵan bolatyn.
«Hakimniń 176 jyldyǵyna oraı balalarmen birigip, onyń panno portretin jasap shyqtyq. Oqýshylar bul portretti 6 saǵatta qurastyrdy. Muqııat qarasańyz, panno pıkselderden turady. Ony tolyq quraý úshin arnaıy baǵdarlama bar. Ol daıyn portretti kýbıktiń tústerine sáıkes rettep qoıyp beredi. Panno portrettiń jalpy salmaǵy 450 kelini quraıdy», - dedi «Qazaqstan spıdkýbıng federatsııasy» qoǵamdyq birlestiginiń basshysy Arman Mashımov.
Aıta keteıik, Abaıdyń panno portreti Semeıdegi mýzeıge qoıylyp, tamyz aıynyń aıaǵyna deıin kelýshilerdiń nazaryna usynylady.
