Semeılik oqýshy halyqaralyq sulýlyq baıqaýynyń jeńimpazy atandy
SEMEI. QazAqparat – Semeılikter Máskeýde ótken «World Beauty 2019» halyqaralyq sulýlyq baıqaýynyń jeńimpazyn qarsy aldy, dep habarlaıdy «QazAqparat» HAA tilshisi.
Shúlbi aýylynyń turǵyny ıAsmın Kambysheva Grand Prix Teen Miss World Beauty 2019» nomınatsııasynyń bas júldesin ıelendi. Baıqaýǵa álemniń 20 elinen 100-ge jýyq úmitker qatysqan.
«Biz úsh aınalymnan óttik. Ulttyq kıim aınalymynda ıAsmın qazaqtyń ulttyq kóılegin kıip, bizdiń mádenıetimizdi kórsetti. Odan keıin sporttyq jáne keshki kıim aınalymyna shyqty. Sońǵy aınalymda ol defıle usyndy», - dedi modeldik mekteptiń basshysy Aına Toǵusova.
«Sahnada óte qatty qobaljydym, biraq qorqynyshymdy jeńdim. Baıqaýda barlyq qatysýshymen tanysyp, olarmen baılanysyp turatyn bolyp kelistik», - dep óz sezimimen bólisti ıAsmın Kambysheva.
Oqýshy qyz bul jetken jetistikpen toqtap qalǵysy kelmeıdi, keler jyly Túrkııada ótetin «Álem arýy» baıqaýyna qatysýǵa da nıetti.
Budan bólek, Aına Toǵusova óziniń modeldik mektebiniń baıqaýda «2019 jyldyń úzdik sán mektebi-agenttigi» syılyǵyn jeńip alǵanyn atap ótti.
