Semeılik oqýshy Abaıdyń 105 óleńin jatqa biledi

SEMEI. QazAqparat – Semeı qalasyndaǵy Shákárim atyndaǵy memlekettik ýnıversıtette 10-11-synyp oqýshylary arasynda «Abaı oqýlary» baıqaýy ótti, dep habarlaıdy QazAqparat.

Uly aqynnyń 175 jyldyǵyna oraı ótkizilgen baıqaýda jergilikti fızıka-matematıka baǵytyndaǵy Nazarbaev Zııatkerlik mektebiniń oqýshysy Ańsaǵan Serikqyzy birinshi oryn ıelendi.

«Ańsaǵan Abaıdyń 105 óleńin jatqa biledi. Baıqaýǵa tyńǵylyqty daıyndalǵanynyń arqasynda 3 kezeńnen de súrinbeı ótti. Alǵashqysynda Abaı poezııasyn jatqa oqysa, keleside qara sózderin mánerlep aıtyp, «Abaı joly» romanynan kez kelgen úzindini sheberlikpen jatqa oryndap shyqty. Al sońǵy kezeńde ádil-qazylar oqýshylardyń Abaıtaný páni boıynsha bilimderin anyqtaý úshin suraqtar qoıdy», - deıdi oqýshynyń jetekshisi Aqbota Jaısańbaeva.