Semeılik qutqarýshylarǵa kómekke arnaıy tehnıkalar keldi
SEMEI. QazAqparat - Semeıde sý tasqynynan zardap shekken kósheler men aýlalardy qurǵatý qarqyndy júrgizilip jatyr. Búgin ózge óńirlerden arnaıy tehnıkalar kómekke keldi , dep habarlaıdy QazAqparat.
Baspanalaryn sý alǵan turǵyndarǵa Óskemen jáne Pavlodar oblysynan arnaıy 19 tehnıka men 10-nan asa adam kómekke keldi. Sońǵy aqparattar boıynsha 50 turǵyn úı men 21 aýla áli de sý astynda. Aldaǵy 2 kúnde baspanalar men aýlalardaǵy sýdy aıdaý jumystary tolyq aıaqtalmaq.
"Oblys ákiminiń tapsyrmasy boıynsha ózge óńirlerden kómekke tehnıkalar keldi. Qazir jumys jasap jatyr. Atap aıtsaq, 2 tikushaq, 15 sý aıdaǵysh qural Óskemennen keldi. 2 AES mashına Pavlodar oblysynan",- dedi qalalyq Azamattyq qorǵanys jedel-shtabynyń aqparattyq qyzmetiniń ókili Meıirjan Amangeldıev.
Qazir úılerin sý basqan 188 adam qonaqúıde. Al 190 turǵyn baspanasyna oralǵan. Olarǵa keltirilgen shyǵyn kólemi anyqtalǵannan keıin qajetti kómek kórsetiledi. Arnaıy komıssııa jumys istep jatyr.
Búgin Ertistegi sý deńgeıi 265 santımetr bolyp tur.
Aıta keteıik, jalpy qala boıynsha búgin 16 arnaıy tehnıka, 21 sý aıdaǵysh qurylǵy men 64 adam jumys istep jatyr.
