Semeılik qaıyqtan qulap, kóz jumdy
SEMEI. QazAqparat - Demalys kúnderi Semeıde eki adam sýǵa ketip, kóz jumdy, dep habarlaıdy QazAqparat tilshisi.
Qaıǵyly oqıǵanyń biri 7 shilde kúni Bobrovka saıajaıy mańynda bolǵan. Ertiste shomylyp júrgen 33 jastaǵy azamat belgilenbegen jerge sýǵa túsken. Sodan qaıtyp jaǵaǵa shyǵa almaǵan. Dostarymen demalýǵa barǵan oǵan qasyndaǵylar da qol ushyn sozyp úlgermepti. Keshki saǵat 17.40-ta qutqarýshylar habar túsken soń oqıǵa ornyna jetken. Biraq azamattyń denesi 8 shilde kúni saǵat 10.30-da 20 metr tereńdikten tabyldy.
Dál osy kúni saǵat 16:25-te Ozerkı aýylyndaǵy ózenge 45 jastaǵy Aıagóz qalasynyń turǵyny aǵyp ketti. Kýágerlerdiń sózinshe ol qaıyqqa otyryp, ózende júrip qaıtpaq bolǵan. Biraq abaısyzda qulap ketken. Qutqarýshylar marqumnyń denesin 8 shilde kúni saǵat 15.10-da tapty.
«Sýǵa túsý maýsymy bastalǵaly Semeıde 7 adam sýǵa ketti. Barlyq qaıǵyly oqıǵa sýǵa túsken ýaqytta qaýipsizdik erejelerin saqtamaǵannan tirkelip otyr. Biz turǵyndar men qonaqtardy sý aıdyndarynda qaýipsizdik sharalaryn saqtap, shomylýǵa ruqsat etilgen jerlerde ǵana demalýdy suraımyz»,-dedi Semeı qalalyq sýda qutqarý qyzmetiniń bas mamany Rınat Muhtarov.
Illıýstratsııalyq foto
