Semeılik ǵalymdar Kalachı aýylyndaǵy «uıqy aýrýyn» zertteýge kiristi
ASTANA. QazAqparat - Semeılik ǵalymdar osy jyldyń sońynda Kalachı aýylyn jaılaǵan «uıqy aýrýynyń» sebep-saldaryn jarııa etemiz dep ýáde berdi. Bul týraly 24.kz telearnasy habarlady.
Qupııa indetti jergilikti Radıatsııalyq medıtsına jáne ekologııa ǵylymı-zertteý ınstıtýtynyń mamandary zerttep jatyr. Instıtýt qajetti jabdyqtarmen qamtylǵan jáne onda mobıldi radıoekologııalyq zerthana da bar. Qazir mamandar bıologııalyq materıaldardy baqylaýǵa alǵan. Aıta ketken jón, bul indettiń alǵashqy belgileri osydan eki jyl buryn Aqmola oblysynda paıda bolǵan edi. Osy ýaqyt aralyǵynda aýyldyń júzdegen turǵyny «uıqy aýrýyna» dýshar boldy.
- Bizdiń mamandar Kalachı aýylyna baryp, zertteý jumystaryn júrgizdi. Sol ýaqytta alynǵan barlyq qajetti materıaldar óńdelip, taldaýdan ótýde. Osynyń arqasynda bul indettiń sebep-saldaryn jyl aıaǵynda jarııalaýymyz múmkin, - deıdi Radıatsııalyq medıtsına jáne ekologııa ǴZI dırektorynyń orynbasary Talǵat Moldaǵalıev.
