Semeılik búldirshinge 54 myń dollardyń otasy kerek
Ersultannyń densaýlyǵyndaǵy aqaýlyq 5 jasynda bastalǵan. Alaıda ata-anasy balanyń jaǵdaıyna asa nazar aýdarmaǵan. Sebebi onyń damýynda esh kedergi bolmaǵan. Al qazir Ersultannyń jaǵdaıy múlde bólek. Burynǵydaı júgirip oınaı almaıdy. Tósek tartyp jatyr. Sebebi, julyn men omyrtqa damýynyń týa bitken kemistigi onyń júrýine, otyrýyna múmkindik bermeıdi. Jáne týǵannan oń jaq búıregi men quımyshaq súıeginiń jartysy joq. Saldarynan onyń oń jaq aıaǵy sol aıaǵynan 2 santımetrge qysqa.
2016 jyly balanyń jaǵdaıy ózgere bastaǵannan keıin ata-anasy dárigerlerge aparady. Alaıda semeılik dárigerler naqty dıagnozdy qoıa almaǵan. Sol kezde onyń dıagnozyn naqtylaý úshin julynnan suıyqtyq alyp saraptama jasaıdy. Osy medıtsınalyq tekserýden keıin balanyń belomyrtqasynda aýyrsyný paıda bolǵan.
«2017 jyly biz astanalyq dárigerlerge bardyq. Ondaǵy neırohırýrgter bizge balanyń arqasynda isik bar ekenin aıtty. Sondyqtan ota jasaý kerek dedi. Ony tek kvota arqyly jasaıdy eken. Biraq otadan keıin onyń jaǵdaıyna kepildik bermedi. Sondyqtan sheteldik dárigerlerdiń kómegine júginip otyrmyz»,-deıdi anasy Gúlnur Býkatova.
Al ulynyń bir jaq búıregi joq ekenin dárigerler emes, medıtsınaǵa esh qatysy joq ákesi rentgen keskindemesinen kórgen.
«Joldasym dárigerlerdiń rentgenin, analız nátıjelerin qarap otyrǵan. Sol ýaqytta bir jaq búıreginiń joq ekenin baıqady. Senbedim, óıtkeni biz qansha dáriger, professorlarǵa bardyq. Eshqaısysy muny aıtpady. ıAǵnı, bir búıregi týǵannan joq bolǵan», - deıdi Gúlnur.
Qazir Ersultanǵa tez arada ota jasaý kerek. Alaıda Qazaqstandyq emes, Izraıldegi «Assýta» klınıkasynyń dárigerleri jasaıdy. Sebebi, otandyq dárigerler otadan keıingi balanyń ómirine kepildik bermegen. Al ızraıldik dárigerler naqty dıagnoz qoıǵan. ıAǵnı, Spina bifida lıpomenıngotsele degen. Eger aýrýdy emdemese múgedektikke tipti ólimge ákeledi.
Onyń ústine sheteldik dárigerler otanyń sátti aıaqtalyp, Ersultannyń tolyqqandy ómir súretinine kepildik bergen. Sebebi, olar buǵan deıin qazaqstandyq 3 balaǵa osy tárizdi ota jasaǵan. Elge oralǵannan keıin Ersultannyń jambas súıegine de ota jasalady. Biraq aldymen julyndaǵy isikti alyp tastaý qajet.
Al ota osy jyldyń tamyz aıyna josparlanǵan. Osy ýaqytqa deıin ata-anasy 22 myń dollar jınap úlgerýi kerek. Negizgi ota quny 54 myń dollar.
8 705 417 63 50 Gúlnur Býkatova (Ersultannyń anasy)
