Semeılik boıjetken halyqaralyq sán jáne daryn baıqaýyn jeńip aldy
ASTANA. QazAqparat - Semeılik Danara Bekmurzaeva Young Miss World Beauty 2017 baıqaýyn jeńip aldy. Aýqymdy shara Máskeýde tanymal kýtýre Per Kardenniń jetekshiligimen ótti. Máskeýdiń úlken kontsert zalynda 20-dan astam memleketten eń ásem, eń daryndy jastary jınaldy, dep habarlaıdy altaynews.kz.
«World Beauty 2017» memleketter men álem halyqtarynyń ásemdik, sán, daryndar baıqaýlarynyń fınaly bolyp tabylady. Ádilqazylar alqasynyń quramyna Reseı men ózge de shet memleketterdiń óner, sán, estrada men shoý-bıznes qaıratkerleri kirdi. Olar qazaqstandyq arýdyń kórkiniń ashyqtyǵy men tabıǵı sulýlyǵyn jaqsy baǵalady. Men Danaranyń elimizdiń atynan laıyqty óner kórsetkenine razymyn»,-dedi jeńimpaz arýdyń tálimgeri, Semeı sán mektebiniń dırektory Aına Toǵysova.
«Bári de joǵary deńgeıde ótti»,-dep óziniń baıqaýdan alǵan áserlerimen bólisti Danara Bekmurzaeva.
«Men barlyq úmitkerlermen dostasyp úlgerdim. Men úshin bul baıqaýdyń mańyzy zor jáne men ózimniń osyǵan deıingi jeńisterimniń kezdeısoq emes ekenin dáleldeı aldym. Baıqaý jeńimpazdary Per Kardenniń óner festıvali men ózge de halyqaralyq jobalarǵa shaqyrtý aldy. Baıqaý jeńimpazdaryna aqshalaı sertıfıkattar men áıgili áshekeıler úıiniń qoldan jasalǵan tájin syıǵa tartty».
