Semeılik balabaqshany sotqa berip, moraldyq shyǵyn talap etti
SEMEI. QazAqparat - Semeıde balalardy damytý ortalyǵynynyń birinde jaraqat alǵan búldirshinniń ata-anasy sot arqyly ótemaqy óndirip aldy, dep habarlaıdy QazAqparat tilshisi.
Anasynyń sózinshe 4 jasar qyzy ortalyqta tárbıeshiniń jaýapsyzdyǵynan dene jaraqatyn alǵan,
2016 jyly 4 jasar Ámına balalardy damytý ortalyǵynda júrip jaraqat alǵan.
Ámınanyń anasy Elena Gýtovskaıa Zaton polıtsııa bólimine aryzdanǵanmen, ondaǵy tergeýshilerdiń júrgizgen sotqa deıingi tergeýi barysynda quqyqbuzýshylyqtyń joqtyǵyna baılanysty is toqtatylǵan.
Elenanyń sózine qaraǵanda, Ámınaǵa aldaǵy ýaqytta Novosibir qalasynda ota jasalýy tıis. Sebebi, sol jaq ıyǵynyń toqpan jiligi synǵan. Alaıda dárigerler ota jasaýǵa balanyń jasy áli kishkentaı ekenin aıtqan.
Sosyn Elena balasynyń jaǵdaıyna nemquraıly qaraǵan ortalyqtyń moraldyq zııan óteýin talap etip qaıtadan sotqa aryz jazǵan.
Medıtsınalyq saraptama qorytyndysyn eskergen sot talap-aryzdy qanaǵattandyrdy. Endi balabaqsha basshylyǵy 250 myń teńge ótemaqy tóleýi tıis.
«Azamattyq isti qaraǵan Semeı qalalyq soty talap aryz qanaǵattandyryldy. Balanyń 2016 jyldyń 26 jeltoqsanynda ortalyqta ortasha dárejede dene jaraqatyn alǵany dáleldendi. Jaýapker aryzdanýshyǵa moraldyq jáne sot shyǵyndaryn óteýi tıis. Sheshim zańdy kúshine engen joq», - dedi Semeı qalalyq sotynyń baspasóz qyzmetinen.
