Semeılik áıel tórtinshi márte analyq quqyǵynan aıyryldy
SEMEI. QazAqparat - Semeıde ishimdikke salynǵan 37 jastaǵy áıel tórtinshi ret analyq quqyǵynan aıyryldy, dep habarlaıdy semeytv.kz.
Áıeldiń tórt balasy da qazirgi tańda jetimder úıinde tárbıelenip jatyr. Onyń 2007 jyly týǵan úlken ulyna jýyrda ota jasaldy. Al osy jyldyń sáýirinde ómirge kelgen kenje qyzynan sıfılıs derti anyqtalǵan. Olardyń anasy ishimdikke salynyp ketýine baılanysty 2016 jyldan beri narkodıspanserde esepte tur.
Jasóspirimder isi boıynsha №2 aýdanaralyq mamandandyrylǵan sotynyń málimetine saı, jyl basynan beri 38 qylmystyq jáne 230 ákimshilik is qaralǵan. Onyń ishinde 71 adam ata-ana quqyǵynan aıyrylǵan.
Odan bólek, ajyrasqan erli-zaıyptylardyń balalarymen kezdesýine qatysty da másele az emes. Kóp jaǵdaıda ajyrasqan juptar bir-birinen balalaryn alshaq ustap, júzdesýine kedergi jasaıdy.
