Semeılik áıel 2 mln teńgege grant satpaq bolǵan
ÓSKEMEN. QazAqparat – Semeılik áıel medıtsınalyq ýnıversıtet grantyn 2 mln teńgege «satqan», dep habarlaıdy QazAqparat tilshisi.
Shyǵys Qazaqstan oblystyq polıtsııa departamentiniń málimeti boıynsha, 6 tamyz kúni Semeıdegi Áýezov polıtsııa bólimine 54 jastaǵy er adam aryz túsirgen.
«Shildeniń basynda semeılik áıel 54 jastaǵy er adamnan qyzyn medıtsınalyq ýnıversıtetke tegin oqýǵa túsiretinin aıtyp, 2 mln teńge aldap alady. Jedel izdestirý jumystarynyń nátıjesinde 38 jastaǵy áıel ustaldy. Kúdiktiniń ústinen QR Qylmystyq kodeksiniń 190 babynyń 1 tarmaǵy boıynsha sotqa deıingi tegeý júrip jatyr», - delingen departamenttiń dereginde.
