Semeıge Tarbaǵataı aýdanynan gýmanıtarlyq kómek keldi
SEMEI. QazAqparat - Sý tasqynynan zardap shekken semeılik turǵyndarǵa aımaqtardan áli de gýmanıtarlyq kómek kelip jatyr. Solardyń birin tarbaǵataılyqtar jiberdi, dep habarlaıdy QazAqparat.
«Tarbaǵataı eli sizdermen birge» dep jazylǵan avtobýsqa tıelgen gýmanıtarlyq kómekti «Nur Otan» partııasy qalalyq fılıalynda qurylǵan qabyldaý pýnktiniń qyzmetkerleri tosyp aldy. Makaron, un, kúrish jáne taǵy da basqa azyq-túlik ónimderi sý tasqynynan zardap shekken Túıemoınaq araly, Prıstan aýdany jáne Bobrovka saıajaıy, Mırnyı kentteriniń turǵyndaryna taratylady.
«Igilikti iske bastamaǵy bolǵan jandarǵa aıtar alǵysymyz zor. Sebebi, respýblıkamyzdyń ár aımaǵynan kómek kelip jatyr. Bizdiń qoımada turǵan azyq-túlik, kıim-keshekterdi araıy qurylǵan komıssııa músheleri arqyly turǵyndarǵa bólip, taratyp beretin bolady», - deıdi «Nur Otan» partııasy Semeı qalalyq fılıaly tóraǵasynyń birinshi orynbasary Zýlfııa Jamaldınova.
