Semeıdiń eń qart turǵyny 108-ge keldi
SEMEI. KAZINFORM – Semeı qalasynyń eń qart turǵyny Anna Kazachenko 108-ge keldi.
Kazachenko Anna Fedorovna 1916 jyly Altaı ólkesiniń Laptılok aýylynda sharýa otbasynda dúnıege kelgen. Ákesi Alı Fedor Demıanovıch azamattyq soǵysta qaza boldy. Anasy jalǵyz qalyp, 5 balany ózi tárbıelegen. Anna 8 jasynan bastap balalardy qaraılasqan. 16 jasynda kolhozǵa baryp jumys istedi.
Basynda kombaıner kýrsyn bitirip, sol mamandyǵy boıynsha eńbek etken. 1938 jyly turmys qurdy. 1951 jyly Semeıge kóship kelip, búgingi kúnge kúnge deıin osy qalada turyp keledi.
108 jasqa kelgen Anna Kazachenkony qala ákimi Nurbol Nursaǵatov quttyqtady.
«Qurmetti Anna Fedorovna! Týǵan kúnińizde sizge eń izgi tilekterdi arnaǵym keledi. Siz qalanyń ıgiligi úshin tynymsyz eńbek ettińiz. Ómir jolyńyz batyldyq pen eńbekqorlyqtyń úlgisi. Meıirimdiligińizben, jarqyn minezińizben ózgelerden erekshelenesiz. Siz moraldyq qundylyqtar men dástúrlerdi saqtaýshysyz, balalar men nemerelerińiz úshin tireksiz. Ózińizge zor densaýlyq, amandyq jáne uzaq ǵumyr tileımin!», - dedi N.Nursaǵatov.
