Semeıdiń əýejaıyn jóndeýge taǵy qosymsha qarjy bólindi
SEMEI. QazAqpart - Semeı əýejaıyna júrgizilgen jóndeý jumystary aıaqtaldy. Jańa talaptarǵa səıkes jańǵyrtýdan ótken əýejaıdyń tynys-tirshiligimen Shyǵys Qazaqstan oblysynyń əkimi Danıal Ahmetov kezekti sapary barysynda tanysty, dep habarlaıdy QazAqparat tilshisi.
Jóndeý jumystaryn júrgizgen «Tereze» JShS dırektory Ulyqbek Tumashınovtyń sózine qaraǵanda, əýejaı zaman talaptaryna səıkes barlyq standarttarǵa jaýap beredi.
Aıta keteıik, áýejaıǵa kúrdeli jóndeý jumystary «Nurly jol» baǵdarlamasy aıasynda 30 jyldan keıin júrgizildi. Bul maqsatta bıýdjetten 10 mlrd teńgeden astam qarjy bólindi. Biraq keıinnen jóndeý jumystary úshin taǵy qosymsha 515 mln teńge bólingen. Buǵan ǵımarattyń shatyry, tóbesi, edeni men terezeleri aýystyrylyp, jaryq tartylǵan.
Qazir aıaqtalǵan jumys sapasyn arnaıy qurylǵan komıssııa baǵalaýda.
«Maǵan atqarylǵan jumystar unady. Basqasha keıipke engen. Bul əýejaı Óskemenniń əýejaıynan artyq. Óte ədemi»,-dedi oblys əkimi.
Biraq əli aıaqtalýy tıis sharýa bar. Oblys əkiminiń tapsyrmasyna səıkes ǵımarattyń fasadtaryn aýystyrý jumystary júrgizilýi tıis. Bul maqsatta bıýdjetten taǵy 300 mln teńge bólingen. Joba daıyn. Endi jumystardy júrgizetin merdiger mekemeni anyqtaý úshin aldaǵy aptada baıqaý ótedi dep josparlanýda.
