Semeıdiń tynyshtyǵyn «Shyǵys» áskerı qyzmetshileri kúzetip tur

NUR-SULTAN. QazAqparat – Semeı qalasynyń tynyshtyǵyn «Shyǵys» óńirlik qolbasshylyǵynyń áskerı qyzmetshileri kúzetip tur, dep habarlaıdy QazAqparat tilshisi.

Bul týraly Qorǵanys mınıstrliginiń baspasóz qyzmeti taratqan beınematerıalda aıtylǵan.

«Shyǵys» óńirlik qolbasshylyǵynyń áskerı qyzmetshileri tótenshe jaǵdaılar rejımin qamtamasyz etý boıynsha is-sharalarǵa qatysýda.

Óńirlik qolbasshylyqtyń áskerı bólimsheler jaýapty aımaqta strategııalyq jáne asa mańyzdy nysandardy kúzetip tur. Olar quqyq qorǵaý organdarymen ózara is-qımyl jasaı otyryp, eldi mekenderdegi kireberisterdi jiti baqylaýyna alǵan.

«Osynaý bir memleketimiz úshin kúrdeli kezeńde kúshtik qurylymdardyń «Shyǵys» óńirlik qolbasshylyǵynyń jeke quramy Joǵary bas qolbasshy – Prezıdenttiń tapsyrmasyn oryndap jatyr. Qazir eń basty másele – eldiń Táýelsizdigi men turaqtylyǵyn saqtaý. Qazir memlekettik strategııalyq jáne áskerı nysandar kúzet pen qorǵaýǵa alynǵan. Eldi mekenderdiń kire berisine blokpostar qoıyldy», - deıdi «Shyǵys» óńirlik qolbasshylyǵynyń áskerı qolbasshysy general-maıor Asan Júsipov.