Semeıdiń saýda keshenindegi órt aýyzdyqtaldy
ASTANA. QazAqparat - Semeıdegi saýda keshenderiniń birinde býtıkter órtendi, dep habarlaıdy QazAqparat QR ІІM TJK baspasóz qyzmetine silteme jasap.
Belgili bolǵandaı, 5 jeltoqsan kúni saǵat 13:48-de órt sóndirý qyzmeti pýltine Semeı qalasynyń Jańa-Semeı saýda ortalyǵynyń aýmaǵynda órt bolyp jatqany týraly habar kelip túsken.
«Jalpy alańy 60 sharshy metr bolatyn saýda býtıkterinde órt boldy. Saǵat 14:20-da órttiń órshý yqtımaldylyǵy shekteldi. Zardap shekkender men jaraqat alǵandar joq. Evakýatsııa júrgizilmedi», - delingen TJK habarlamasynda.
Órt sóndirýge Shyǵys Qazaqstan oblystyq TJD-niń 24 órt sóndirýshisi men 6 órt sóndirý tehnıkasy jumyldyryldy.
