Semeıdiń perınataldyq ortalyǵyna qosymsha ǵımarat beriledi
SEMEI. QazAqparat - Shyǵys Qazaqstan oblysynyń ákimi Danıal Ahmetovtyń tapsyrmasy boıynsha bos turǵan burynǵy Jedel medıtsınalyq kómek aýrýhanasynyń ǵımaraty Semeı perınataldyq ortalyǵyna berildi, dep habarlaıdy QazAqparat qalanyń aqparat ortalyǵyna silteme jasap.
«Biz qazir bosanatyn barlyq júkti áıelderdi perzenthanada qabyldap jatyrmyz. Bizdiń qyzmetimizdi damytý úshin qosymsha ǵımarat kerek. Osy korpýsty alǵannan keıin onda analar men balalar úshin qosymsha oryndar ornalastyrylady», - dep habarlady Semeı perınataldyq ortalyǵynyń dırektory Arqat Daıyrbekov.
Onyń aıtýynsha, barlyq qujattar rásimdelgennen keıin ǵımaratqa kúrdeli jóndeý júrgiziledi.
Aıta keteıik, memlekettik jáne jeke seriktestik aıasynda 200 orynǵa arnalǵan balalar kópsalaly aýrýhanasynyń qurylysy boıynsha joba ázirlenip jatyr. Emdeý mekemesi Ushaqtar kentinde turǵyzylady. Onyń quramyna balalar juqpaly aýrýhanasyna kiredi.
