Semeıdiń qalalyq mádenıet úıine Bıbigúl Tólegenovanyń esimi beriledi
SEMEI. QazAqparat – Semeıde qalalyq mádenıet úıine Sotsıalıstik Eńbek Eri, KSRO halyq ártisi, SSSR memlekettik syılyǵynyń laýreaty Bıbigúl Tólegenovanyń esimi beriledi, dep habarlaıdy «QazAqparat» HAA tilshisi.
QR Táýelsizdik kúnine oraı jańa kóp fýnktsııaly mádenı-sporttyq keshende úlken kontsert ótti. Semeı ákimi Ermak Sálimov qala turǵyndaryn merekemen quttyqtap, 16 jeltoqsanda jerlesteri Uly Dalanyń bulbuly Bıbigúl Ahmetqyzy Tólegenovanyń 90 jasqa tolatynyn habarlady.
«Bıbigúl Ahmetqyzy Tólegenova ıÝNESKO-da HH ǵasyrdaǵy ǵasyrdyń kórnekti 20 áıeliniń biri retinde ıÝNESKO tizimine engen. Bıbigúl Ahmetqyzyna qurmet kórsete otyryp, biz Semeı jeriniń shyn máninde kıeli ekenin taǵy bir ret atap ótkimiz keledi. Bizde maqtanatyn dúnıeler bar!», - dedi óziniń quttyqtaý sózinde Ermak Sálimov.
Sonymen qatar, ákim Semeıdegi qalalyq mádenıet úıine Bıbigúl Tólegenovanyń esimin berý úshin daıyndyq jumystary júrgizilip jatqandyǵyn basa aıtty.
«Qazaqstan Respýblıkasynyń basty ulttyq merekesi - Táýelsizdik kúnimen shyn júrekten quttyqtaımyn. Amandyq, barlyq isterińizge sáttilik jáne Otanymyz - Qazaqstan Respýblıkasynyń ıgiligi jolyndaǵy eńbekterińizge sáttilik tileımin!», - dep sózin qorytyndylady qala basshysy.
Saltanatty jıyn barysynda merekelik kontsert ótip, qala turǵyndaryna marapattar tabystaldy.
