Semeıdiń irgesindegi yqshamaýdandarǵa sý men jaryq tartyldy
Shahardyń shetindegi Ushaqtar jáne Komsomol kentterinde turǵyndardy elektrmen jáne sýmen qamtamasyz etý jumystary máresine jetti. Búginde elektr jelileri turǵyn úılerge qosylyp, barlyq jer ýchaskelerine sý qubyry tartylǵan. Joba eki jyl aralyǵynda iske asyryldy. Endi jergilikti jurt ShQ AES-ten tehnıkalyq sharttardy alyp, júıege qosylǵan soń «Shyǵysenergotreıd» JShS-ǵa derbes shot ashý úshin ótinim berýleri qajet.
«Turǵyndardan ShQ AES-ke tehnıkalyq sharttar úshin habarlasyp, qosylýǵa ótinim berip jáne derbes shottar ashýda belsendilik tanytýdy suraǵym keledi. Sýmen jabdyqtaýda osy júıe boıynsha «Vodokanal« MQK-ǵa tehnıkalyq sharttar boıynsha habarlasyp sýdy qosýlary qajet», - deıdi Semeı qalasy ákiminiń orynbasary Nıkolaı Ýshakov.
Sonymen qatar osy yqsha aýdandarda jol tóselip, kóshe jaryqtaryn ornatýǵa ýáde berilgen. Qazirgi ýaqytta jobalyq-smetalyq qujattamalary ázirlenýde. Joba boıynsha jumystardy aldaǵy jyly bastaý josparlanýda.
