Semeıdiń bas josparyna sáıkes qala jeti aımaqqa bólindi
SEMEI. QazAqparat – Semeı qalasy jeti aımaqqa bólindi, dep habarlaıdy QazAqparat tilshisi.
Shahardy aımaqqa bólýdi bekitý týraly joba Jer qatynastary bólimimen ázirlenip, Semeı qalalyq máslıhatynyń kezekten tys sessııasynda qabyldanǵan. Bul týraly Aımaqtyq kommýnıkatsııalar qyzmetinde ótken baspasóz máslıhaty barysynda atalǵan bólim basshysy Qudaıbergen Seıilhanov aıtyp berdi.
«Jerdi aımaqqa bólý – baǵalaý aımaqtarynyń shekaralaryn jáne jer ýchaskesine tólenetin bazalyq mólsherlemelerge túzetý koeffıtsentterin anyqtaý maqsatynda júrgiziledi. Qazirgi ýaqytta Semeı jeti aımaqqa bólinip otyr. Olardyń sany birneshe uqsas aımaqtardy biriktirý jolymen 38-den jetige azaıtyldy», - dedi ol.
Qalany aımaqqa bólý Semeıdiń bas josparyna sáıkes jasalǵan. Osy rette, shahar ortalyǵynan alshaqtyǵy, ınfraqurylymy, abattandyrylýy jáne ekologııalyq jaǵdaıy eskerilgen.
