Semeıdiń 5 aýdanyn sý basý qaýpi tóndi
SEMEI. QazAqparat - Semeılik qutqarýshylar búgin sý basý qaýpi tóngen 5 aýdandy erigen qar sýynan tazalady, dep habarlaıdy QazAqparat tilshisi.
Aýa raıynyń kúrt jylynýyna baılanysty qalanyń shet aýdandaryndaǵy qar sýy erip, turǵyndardyń aýlasyna jetken. Alaıda tótenshelikter men jergilikti bılik ókilderi sý basý qaýpin der kezinde qolǵa alyp úlgerdi.
Sý basý qaýpi Lesnaıa, Aeroport, 6-shy, 12-shi Zagorodnaıa jəne Shyǵys kentindegi 4-shi saıajaıdaǵy jeke sektordaǵy turǵynúılerge tóngen. Keı aýdandarǵy erigen qar sýy 50 sm deıin jetken.
Turǵyndardyń qońyraýynan keıin qaýipti aýdandarǵa arnaıy qutqarý toby jiberildi. Mamandar birneshe saǵattyń ishinde sýdy aıdaý jumystaryn júrgizip, qaýip seıildi.
«Tótenshe jaǵdaılardy aldyn alýǵa 22 qyzmetker men 10 motopompa jəne jergilikti bılikten 8 adam men 1 motopompa jumyldyryldy»,-delingen TJD taratqan habarlamada.
Aıta keteıik, búginge deıin 9 myń tekshe metr erigen qar sýy tartyldy.
