Semeıden Pavlodarǵa bet alǵan 50 avtokólik boranda jolǵa shyǵa almaı tur

SEMEI. KAZINFORM — Pavlodar oblysynda aýa raıynyń kúrt nasharlaýyna baılanysty (jańbyr, qar, muz, boran) barlyq kólik túrlerine, jol qyzmetteri arnaıy tehnıkasyn qospaǵanda, ýaqytsha qozǵalys shekteýi engizildi. Bul týraly Abaı oblysy PD baspasóz qyzmeti habarlady. 

Shekteý «QHR shekarasy – Maıqapshaqaı – Zaısan – Qalbataý – Semeı – Pavlodar – RF» avtojolynyń 587-733 km ýchaskesine (Pavlodar oblysy shekarasynan Semeı qalasyna deıin) qatysty.

20:00 jaǵdaıy boıynsha Semeıden Pavlodarǵa qaraı 50 avtokólik toqtap tur, onyń ishinde 15 júk kóligi jáne 35 jeńil kólik. Kútýshi avtobýstar men kámeletke tolmaǵan jolaýshylar tirkelmegen.

Oqıǵa ornynda Abaı oblysy PD qyzmetkerleri jol jáne jedel-qutqarý qyzmetterimen birlesip kezekshilikte tur. Polıtsııa qaýipsizdikti qamtamasyz etip, qozǵalysty rettep, júrgizýshilerge qajetti kómek kórsetip jatyr. 

Aıta ketelik qarashanyń qara sýyǵy burqasynǵa ulasatyny týraly jazǵan edik.