Semeıdegi JEO-1-degi apat sebebin tekserý boıynsha komıssııa qurylyp, kináli jazaǵa tartylady - Úkimet basshysy
ANA. 11 jeltoqsan. QazAqparat /Marlan Jıembaı/ - Semeıdegi JEO-1-degi apat sebebin tekserý jóninde komıssııa qurylyp, kináli jazaǵa tartylady.
Búgin Úkimet otyrsynda osylaı dep atap ótken QR Premer-Mınıstri Kárim Másimov óziniń orynbasary Áset Isekeshevke sáıkesinshe tapsyrma júktedi.
Ótken jumada Semeıde tútin sorǵysh karterdiń buzylýy saldarynan № 6, 7 qazandyqtardyń jumysy toqtatylyp, al № 1 qazandyq úzilispen jumys istegen bolatyn. Osy máselege baılanysty búgingi otyrysta baıandama jasaǵan Shyǵys Qazaqstan oblysynyń ákimi Berdibek Saparbaevtyń atap ótýinshe, apat qalany jylýmen qamtamasyz etetin qazandyqtarynyń tozyǵy jetýi saldarynan oryn alyp otyr. Jańa dep sanalatyn qazandyqtardyń ózi osydan 70 jyldan astam ýaqyt buryn iske qosylǵan. Sonymen qatar qazandyq Kýzbas kómirimen jumys isteýge negizdelgen. Al qazirgi ýaqytta ol Qarajal kómirin paıdalanýda. «Semeı problemasyn sheshý úshin respýblıkalyq bıýdjetten qarajat bólý qajet», - dep atap ótken oblys basshysynyń sózine qaraǵanda, ol soma shamamen 7 mlrd teńgeni quraıdy.
Birneshe oblysty basqarǵan tábirıbeli ákimnen bundaı aǵattyqty kútpegenin jasyrmaǵan Úkimet basshysy: «Áset Órentaıuly, sizge komıssııa qurýdy jáne bolǵan oqıǵany anyqtaýdy tapsyramyn, maǵan usynys engizińiz. Men bul máselege jaýapty adamǵa jaza qoldanamyn. Bul máseleni túbegeıli sheshý qajet. Óıtkeni adamdar úshin Kýzbas nemese Qarajal kómiriniń esh aıyrmasy joq. Olarǵa eń bastysy - úıleriniń jyly bolǵany», - dedi.
