Semeıdegi jedel járdem aýrýhanasy zamanaýı jabdyqtarmen qamtylmaq
SEMEI. QazAqparat - Qazaqstan boıynsha alǵash ret gıbrıdti operatsııalyq zal Semeıde ashylatyn bolady, dep habarlaıdy QazAqparat.
Búgin qalaǵa sapary barysynda oblys ákimi Danıal Ahmetov jedel medıtsınalyq járdem aýrýhanasynyń jumysymen tanysty. Dárigerlermen kezdesýi barysynda aımaq basshysy barlyq zamanaýı jabdyqtardy tıimdi paıdalaný kerektigin jetkizdi. Sondaı-aq, dárigerlerge biregeı qural-jabdyqtarǵa jumsalatyn qarjyny saýatty jumsaý qajet ekenin aıtty.
Oblystaǵy júrgizilgen aýdıt qorytyndysyna sáıkes densaýlyq saqtaý mekemelerin jabdyqtaý úshin 23 mlrd. teńge qajet.
Aımaq basshysynyń sózinshe, tek jabdyqtar ǵana emes, álemdik ortasha kórsetkishke saı bolýy úshin aýrýhanalarǵa jıhaz da kerek. Sondaı-aq oblysta qoldanýǵa kelmeıtin jabdyqtar da bar. Mysal retinde Óskemen qalasyndaǵy oblystyq aýrýhanada ornalasqan úsh angıografty keltirýge bolady.
Danıal Ahmetovtyń aıtýynsha, árbir angıograf aımaqta turatyn 250 myń adamdy tekseristen ótkize alady. ıAǵnı, úsh angıograf 750 myńǵa jýyq adamdy qaraýy kerek, biraq bul qoldan kelmeıdi. Aımaq basshysy bul jerde jabdyqtyń ornalasqan jeriniń yńǵaısyzdyǵyn atap ótti. Odan keıin oblys ákimi operatsııa bólmesin kórip satyp alynǵan angıografty ornatýǵa bolatyn aıtty.
«Sizder aýrýhanadaǵy operatsııa bólmeleriniń birin qalypqa keltirip, sol jerge gıbrıdti operatsııalyq bólmeni jabdyqtaýlaryńyz kerek. ıAǵnı shyǵyndalmaý úshin qoldanystaǵy bólmelerdiń birin paıdalaný kerek», - dedi oblys ákimi.
Aımaqtyq densaýlyq saqtaýdy damytýdyń keshendi jospary jalǵasatyn bolady. Semeıdegi jedel medıtsınalyq járdem aýrýhanasyn qazirgi zamanǵy jabdyqtarmen tolyǵymen jabdyqtaý josparlanýda. Medıtsına qyzmetkerleri álemdegi úzdik klınıkalarda bilimin jalǵastyrady.
Oblystyń bas dárigeri Marat Shoranovtyń aıtýynsha, bul medıtsınalyq mekeme barlyq halyqaralyq standarttarǵa sáıkes keledi.
