Semeıdegi jarylys: er adam sirińkeniń shıimen gaz ballonyn tekserip kórgen
ÓSKEMEN. QazAqparat - Búgin Semeıde 68 jastaǵy úı ıesi gaz ballonynyń durystyǵyn sirińkeniń shıimen tekserip kórmekshi bolǵan. Sol sátte-aq gaz-aýa qosyndysynyń jarylysy bolǵan, dep málim etti TJ departamenti «QazAqparat» HAA tilshisine.
Jalynnan shyqqan ot birden as úıge taraǵan. Órt as úı jıhazdaryn, turmystyq tehnıkalardy, terezeniń aǵash jaqtaýlaryn, sondaı-aq tóbeniń aǵashty bólikterin sharpyǵan. Jedel járdem qyzmetkerleri zardap shekken úı ıesine alǵashqy medıtsınalyq kómek kórsetti. Alaıda, ol aýrýhanaǵa jatýdan bas tartty. Tilsiz jaýmen úsh tehnıka jáne jeke quramnyń 20 múshesi arpalysty. Órt aýdany 40 sharshy metr.
Mamandar órttiń shyǵýyna eki sebepti anyqtap otyr: gaz qurylǵysyn paıdalaný kezinde órt qaýipsizdigi talaptaryn buzý jáne otty abaısyz paıdalaný.
