Semeıdegi ıAdrolyq medıtsına ortalyǵynda ekologııalyq apat bola jazdaǵan
SEMEI. QazAqparat – Semeı qalasyndaǵy qurylysy uzaq jylǵa sozylǵan ıAdrolyq medıtsına ortalyǵynda ekologııalyq apat bola jazdaǵan, dep habarlaıdy QazAqparat tilshisi.
D.Serikbaev atyndaǵy ShQTÝ mamandary men professorlary Semeıdegi ıadrolyq medıtsına ortalyǵyn nege erte iske qosý múmkin bolmaǵanyn túsindirip berdi.
Belgili bolǵandaı, jaýapsyz merdigerlerdiń kesirinen medıtsınalyq mekeme qaýipti radıatsııa kózine aınalyp qana qoımaı, bir sátte kúli kókke ushyp ketýi múmkin edi.
Tsıklotrondy, suıyq radıoaktıvti qaldyqtardy jınaý jáne saqtaý júıesin, pozıtrondy-emıssııalyq tomografty jáne gamma-kamerany montajdaý kezinde olqylyqtar anyqtalǵan.
Burynǵy merdigerlerdiń jobaǵa múldem nemquraıly qaraǵanyn tek jergilikti mamandar ǵana emes, MAGATE men biregeı jabdyq óndirýshi fırmalardyń ókilderi de rastap otyr.
«Ózim komıssııa quramyna kirgen kezdegi jaǵdaımen qazirgini salystyrsaq jer men kókteı. Radıatsııa shyǵyp, ortalyqtyń qyzmetkerleri men patsıentterine úlken zııan kelýi múmkin edi», - deıdi ShQTÝ professory Valentına Kolpakova.
16 ret sot otyrysy ótkennen keıin jobanyń bas merdigeri «IrtyshGesStroı» JShS dırektory memleketke 2,5 mıllıard teńge kóleminde zalal keltirgeni úshin 8,5 jylǵa bas bostandyǵynan aıyryldy.
«Radıatsııalyq sáýlelenýden qorǵaý úshin plıtanyń jobalyq qalyńdyǵy saqtalmaǵan. Ol betonnan jasalyp, qalyńdyǵy 2,5 metr bolýy tıis. Egjeı-tegjeıli zertteý kezinde betonnyń tek segiz santımetr, al qalǵany kóbik ekendigi anyqtaldy. Sonymen qatar tsıklotrondy tek óndirýshi kompanııa ǵana qamtamasyz ete alady. Olar kelip, qurylǵynyń qandaı jaǵdaıda ekenin jáne oǵan uzaq ýaqyt boıy sý tamshylap jatqanyn kórgennen keıin, kepildik berýden jáne qyzmet kórsetýden bas tartty. Sondyqtan jańa tsıklotrondy satyp alý qajet boldy. Álemde osyndaı 41 agregat bar. Onyń biri bizdiń ortalyqta», - dedi QR Ulttyq ıadrolyq ortalyǵy ÓTB basshysy Oksana Jýrına.
Burynǵy merdiger Siemens shyǵarǵan pozıtrondy emıssııalyq tomografty jáne symbia gamma-kamerasyn ornatý kezinde olqylyqtarǵa jol bergen.
Nátıjesinde, óndirýshi krıstaldar men BFEKT júıesin aýystyrý qajettiligi týraly saraptamalyq qorytyndy jasaldy.
Ony jańa merdiger «Fırma Azııa» JShS óndirdi.
«ıAdrolyq medıtsına jáne onkologııa ortalyǵynyń qurylysy uzaqqa sozylǵan. Onyń óz sebebi bar. Eń negizgisi – adamdardyń ómiri men densaýlyǵyna qaýip tóndi. Qazir nysan paıdalanýǵa berilgen. Sáýirde radıonýklıdtik dıagnostıka bólimshesi jumysyn bastady. Endi jaqyn arada radıonýklıdtik terapııa bólimshesi iske qosylady. Úshinshi kezeńde tsıklotrondyq keshen radıofarmpreparattardy óndirý jáne olardyń sapasyn baqylaý blogy, pozıtrondyq-emıssııalyq tomograf jumysyn bastaıdy. Qazir jabdyqty iske qosýǵa qajetti qujattar rásimdelip jatyr. Ortalyq tolyq iske qosylǵannan keıin jylyna 6600 patsıentti qabyldaı alady», - dep habarlady ShQO aqparat ortalyǵy.
