Semeıdegi túrmede sottalǵandardy jumyspen qamtý úshin jańa kásiporyn ashyldy
SEMEI. QazAqparat – Semeıdegi OV 156/14 túzetý mekemesinde sottalǵandardy jumyspen qamtý úshin jańa kásiporyn ashyldy, dep habarlaıdy QazAqparat tilshisi.
ShQO boıynsha QAJ departamenti baspasóz qyzmetiniń málimetine súıensek, OV 156/14 qatań rejımdi kolonııada taǵamǵa qosylatyn mıkrokókterdi ósiretin jańa kásiporyn ashyldy. Onda sottalǵandar dámdeýishter ósirip, tabys taba alady.
«Kásiporynda jazasyn óteýshiler turaqty jumyspen qamtylady. Qazir negizinen kress-salat, sarymsaq, baıkon, aqjelken, brokkolı, kúnze, ósirilýde. Olardy salatqa, kójege, kokteılge, smýzıge jáne de basqa da sýsyndarǵa qosýǵa bolady. Dárýmenderge baı mundaı taǵamdarǵa suranys ta artýda», - delingen aqparatta.
Sonda jumys isteıtin sottalǵan Nıkolaı Paktyń aıtýynsha, dándi sepkennen keıin jemisti jınaýǵa 5-12 kún qajet.
«Bizde jumys isteýge barlyq jaǵdaı jasalǵan. Qajetti jabdyqtar da bar. Eńbek etken adamǵa bul jerde ýaqyt jyldam ótedi. Maǵan keregi de sol», - deıdi ol.
Qazirgi tańda kolonııada 236 adam jumyspen qamtylǵan. Bul barlyq sottalǵannyń 87 paıyzyn qurap otyr.
