Semeıdegi tarıhı eskertkishterdi qorǵaıtyn baǵdarlama ázirlenbek
SEMEI. QazAqparat - Shyǵys Qazaqstan oblysynyń ákimi Danıal Ahmetov Semeı qalasyna jumys sapary barysynda birqatar mádenı nysandardy aralady, dep habarlaıdy QazAqparat Semeı aqparattyq ortalyǵyna silteme jasap.
F.Dostoevskıı murajaıynda bolǵan óńir basshysy tarıhı ǵımarattyń aýmaǵyn aralap, «Prıırtyshe» ólketaný qoǵamynyń tóraǵasy Marat Sasanovpen áńgimelesti.
«Qalanyń ózine ǵana tán tarıhı ereksheligi bolýy qajet. Memleket pen memleketke tıesili nysandar boıynsha tekserý júrgizý mańyzdy. Jeke menshik sektorǵa ázirge tıispeımiz. Biz Semeıdi abattandyrý kezeńinen óttik, endi men tarıhı ǵımarattarǵa bet buryp, eskertkishterdi saqtaý jóninde baǵdarlama jasap, qabyldaý mańyzdy. Bizge jańa zamanmen qatar ótken júzjyldyqtan estelik bolatyndaı nysandar qajet», - dedi oblys ákimi.
Sondaı-aq, D. Ahmetov Nevzorovtar otbasy atyndaǵy beıneleý óneri murajaıynda bolyp, daryndy balalarǵa arnalǵan oblystyq balet mektebiniń jumysymen tanysty.
Foto: KazTag
