Semeıdegi sý tasqyny Túıemoınaq aralyna zaqym keltirdi
SEMEI. QazAqparat - Shyǵys Qazaqstan oblysynyń Semeı qalasynda bolǵan sý tasqynynyń saldarynan «Ólimnen de kúshti» memorıaldy kesheni men «Beıbitshilik stellasy» ornalasqan Túıemoınaq araly zaqymdanǵan. Búlingen jerler qazir mádenı orynnyń kórkin ketirip tur, dep habarlaıdy QazAqparat.
Sý tasqynynan mundaǵy jaıaý júrginshiler tasjoly búlinip, jaryq júıesi isten shyqqan. Endi qaıta qalpyna keltirý úshin jumystar qolǵa alynǵan. Semeı qalalyq TÚKSh bóliminiń bas mamany Nazgúl Jaqypbekovanyń sózinshe, jóndeý jumystary shilde aıyna deıin aıaqtalady dep josparlanyp otyr. Al búlingen joldarǵa kimniń kináli ekeni belgisiz. Boljam boıynsha sý tasqyny kezinde aýyr júk kólikteri júrgen.
«Qazir shyǵyn kólemi eseptelip jatyr. Mamandar qorytyndy smetalyq qujat daıyndap jatyr. Meniń oıymsha, shilde aıyna deıin jóndeý júmystary tolyq aıaqtalady»,-dedi Nazgúl Jaqypbekova.
