Semeıdegi sý tasqyny: Turǵyndardy evakýatsııalaý jalǵasýda
SEMEI. QazAqparat - Semeıde taǵy birneshe aýdandy sý basyp, 75 turǵyn qaýipsiz jerge kóshirilýde, dep habarlaıdy QazAqparat.
Osy ýaqytta Lodochnaıa jáne Zaton aýdandaryn, Bobrovka kentin, Kraevaıa kóshesin sý basyp jatyr. Qazir Kraevaıa kóshesinen - 41, Bobrovka kentinen 34 adam evakýatsııalandy. Bul jumystar áli de jalǵasýda, oǵan 7 tehnıka men qalalyq ІІB-niń 24 qyzmetkeri jumyldyryldy. Tasqyn sýmen kúres is-sharalary júrgizilip, sý aıdaıtyn tehnıkalar jumys jasaýda.
«Qazir Ertis ózenindegi muzdy jarý jumystary júrgizilip jatyr. Aıaqtalsa jaǵdaı qalypqa keledi. Turǵyndardy evakýatsııalaý jalǵastyrylýda. Barlyǵy baqylaýda. Qajetti sharalar qolǵa alyndy. Turǵyndardy sabyrlyqqa shaqyramyz», - dedi qalalyq Azamattyq qorǵanys jedel-shtabynyń aqparattyq qyzmetiniń ókili Meıirjan Amangeldıev.
