Semeıdegi sý tasqyny: Ien qalǵan úılerdi tonaý faktileri rastalmady
SEMEI. QazAqparat - Semeıde sý basqan óńirlerde ıen qalǵan úıler tonalyp jatyr degen aqparat joqqa shyǵaryldy, dep habarlaıdy QazAqparat tilshisi.
Áleýmettik jelide jáne WhatsApp messendjeri arqyly sý tasqyny saldarynan evakýatsııalanǵan adamdardyń úıleri tonalyp jatqandyǵy týraly aqparat taraǵan bolatyn.
Biraq polıtsııa bul aqparattyń shyndyqqa janaspaıtynyn málimdedi.
«Qazirge deıin qaraqshylyq deregi boıynsha birde-bir jábirlenýshi ótinishpen kelgen joq. Evakýatsııa jasala bastaǵan alǵashqy kúnderden bastap-aq sý basqan aýdandardy qatań baqylaýǵa aldyq. Jer-jerde táýlik boıy polıtsııa qyzmetkerleri men ýchaskelik ınspektorlar kezekshilikte», - deıdi Semeı qalasy ІІB baspasóz qyzmetiniń basshysy Elýbek Ospanov.
Eske sala keteıik, Semeıdegi tabıǵat apatynyń saldarynan 700-den astam turǵyn úı men jekejaılardy sý basqan bolatyn.
