Semeıdegi radıologııalyq ortalyq keler jyly qoldanysqa beriledi
ÓSKEMEN. QazAqparat - Shyǵys Qazaqstan oblysy ákimi 2017 jyly atqarylǵan ister boıynsha turǵyndar aldynda esep berýde. Onda óńir turǵyndarynyń saýalyna jaýap bergen Danıal Ahmetov Semeıdegi radıologııalyq ortalyq iske qosylatynyn aıtty, dep habarlaıdy QazAqparat tilshisi.
«Atalmysh ortalyqqa ornatylǵan qondyrǵylardyń qaýipsizdigine kúmán keltirilgen bolatyn. Osyǵan baılanysty eki jyl sottastyq. Qazir bul másele boıynsha arnaıy komıssııa jumys istep jatyr. Komıssııa naqty sheshim shyǵarǵansha qondyrǵylarǵa demontaj jasaı almadyq. Bul másele jyl aıaǵyna deıin sheshimin tabady. Keler jyldyń basyna qaraı radıologııalyq ortalyq qoldanysqa berliýi tıis» - dedi ákim.
