Semeıdegi órtti ratsııamen eskertkende adam ólimi bolmas edi – depýtat
Senat depýtaty Bekbol Orynbasarov apatty jaǵdaılarda jeke jaýapkershilik alý – úlken másele ekenin aıtty.
«Eger biz osyndaı memlekettik qyzmetke kelgen ekenbiz, jeke jaýapkershilik alýdy úırenýimiz kerek. Zańdyq deńgeıde barlyq másele qarastyrylǵan. Bul jerdegi másele – tek qana oryndaýda, jeke jaýapkershilik alýda. Árkim ózine qatysty memlekettik fýnktsııany oryndap otyrǵannan keıin moınyna jaýapkershilik alý kerek», - depýtat Bekbol Orynbasarov «Jańa ýaqyt» aqparattyq-saraptamalyq baǵdarlamasynda.
Taǵy bir Senat depýtaty Olga Býlavkına – sol óńirdiń týmasy. Ol apattyń aldyn alýǵa, adamdardy aman alyp qalýǵa bolatynyn jetkizdi.
«Órt kezinde birneshe brıgada shyqty. Qaza tapqan topqa órttiń solarǵa qalaı órlep bara jatqany jaıynda der kezinde habarlanbaǵan. Atalǵan aýmaqty alsaq, órt sol jaqtan sharpysa, brıgada oń jaqta joǵary betten kele jatqan. Biraq jel baǵyty aýysyp, týra ormanshylarǵa lap bergen. Eger sony aldyn ala ratsııamen eskertkende, qutqarylar edi. Tipti tikushaq ta bolǵan ǵoı, ony da kótermegen», - dedi O. Býlavkına.
Aıta keteıik, Semeı ormanyna qanshalyqty zalal kelgenin órt tolyq sóndirilgen soń arnaıy komıssııa esepteıtin bolady.
Qazirgi ýaqytta Abaı oblysynda órtti sóndirý úsh baǵytta jalǵasýda (ońtústik, batys jáne shyǵys jıekter). Shyǵys baǵytta aýyr tehnıkamen mıneraldanǵan jolaqtar jasaý jumystary júrgizilýde.
