Semeıdegi orman órti: jedel járdem brıgadalary men rezervtik tósekter ázir

SEMEI. QazAqparat - Abaı oblysynda orman alqaby aýmaǵynda órttiń taralýy jáne jergilikti aýqymdaǵy tótenshe jaǵdaıda medıtsınalyq alǵashqy kómek kórsetý úshin jedel járdem brıgadalary uıymdastyrylyp, statsıonarlarda rezervtik tósekter daıyndaldy, dep habarlaıdy QazAqparat.

Óńirdiń densaýlyq saqtaý basqarmasynyń málimetinshe, ortalyq aýdandyq aýrýhananyń patsıentteri Borodýlıha aýylynan Jezkent kentine jáne Semeı qalasynyń SMKA kóp beıindi statsıonaryna kóshirildi. Medıtsınalyq tehnıkany evakýatsııalaý daıyndalýda.

Kómirtegi totyǵymen ýlaný saldarynan es-tússiz jatqan 39 jastaǵy er adam aýyrlyǵy ortasha dárejede Semeı qalasynyń BOM-ǵa jetkizildi jáne oǵan barlyq qajetti medıtsınalyq kómek kórsetiledi.

Qatty tútin paıda bolǵan eldi mekender aımaǵynda halyq tolyǵymen evakýatsııalandy. Kashtak aýylyna Semeı qalasynan eki jedel járdem brıgadasy jiberildi, Semeı qonaq úıiniń janyndaǵy evakýatsııalyq pýnktte JMK bir brıgadasy kezekshilik etedi. Barlyq evakýatsııalanǵan patsıentter Semeı qalasynyń medıtsınalyq mekemelerine jatqyzylady, bul úshin JMK qosymsha brıgadalary ornalastyrylady.

Búgin Abaı oblysyna Densaýlyq saqtaý vıtse-mınıstri Vıacheslav Dýdnık keldi.

Oblysta TJ jaǵdaıynda barlyq deńgeıdegi qajetti medıtsınalyq kómek kórsetýge tolyq daıyndyq bar.

Órttiń taralý qaýpine baılanysty Semeı qalasynyń ákimi tabıǵı sıpattaǵy jergilikti aýqymdaǵy tótenshe jaǵdaı jarııalaǵanyn esterińizge sala keteıik.