Semeıdegi orman órti: taǵy 500 áskerı qyzmetshi daıyn tur
ASTANA. QazAqparat - Qarýly kúshterdiń áskerı qyzmetshileri men áskerı tehnıkasy Abaı oblysyndaǵy órtti sóndirýge tartyldy, dep habarlaıdy QazAqparat Qorǵanys mınıstrligine silteme jasap.
Qorǵanys mınıstri Qarýly kúshter bólimsheleriniń is qımyldaryn jeke ózi úılestirýde.
«Órtti sóndirýge 300-den astam áskerı qyzmetshi qatysýda, 30 birlik arnaıy tehnıka jumyldyrylǵan. Tilsiz jaýdy aýyzdyqtaýǵa alǵashqy bolyp armııalyq avıatsııanyń Mı-17 jáne Mı-171Sh tikushaqtarynyń ekıpajdary kiristi. Jalynmen kúresý kezinde 400 tonnadan astam sý tógildi», - dep jazdy vedomstvodan.
Daǵdarys aýdanyna 500-den astam áskerı qyzmetshi jiberilýge daıyn tur.
QR Qarýly kúshteri órtti oqshaýlap, ony joıý úshin barlyq qajetti sharalardy qabyldaýda.
