Semeıdegi orman órti sóndirildi
NUR-SULTAN. QazAqparat - «Semeı ormany» memlekettik orman tabıǵı rezervaty aýmaǵyndaǵy qaraǵaıly orman órti sóndirildi. Bul jaıynda QR ІІM Tótenshe jaǵdaılar komıtetiniń baspasóz qyzmetinen málim etti, dep habarlaıdy QazAqparat tilshisi.
«Órt saǵat 19-00-de sóndirildi. Qyzyl jalyn sharpyǵan aýmaq 3 948 gektardy quraıdy. Órtti sóndirýge jumyldyrylǵan Shyǵys Qazaqstan jáne Aqmola oblystyq tótenshe jaǵdaılar departamentteriniń mamandary men quraldary turaqty ornalasqan jerlerine oralýda», - dedi komıtetten.
