Semeıdegi orman órti: 70 polıtsııa qyzmetkeri 20 tehnıkamen patrýlge shyqty

SEMEI. QazAqparat - Abaı oblysy polıtsııa departamentiniń jeke quramy óńirdegi órtterdi oqshaýlaý kezeńinde qoǵamdyq tártipti qamtamasyz etýge jumyldyryldy, dep habarlaıdy QazAqparat ІІM-ne silteme jasap.

Polıtsııa departamenti jeke quramy turaqty ornalasý pýnktterinde daıyndyq jaǵdaıynda boldy.

«Patrýlge 70 polıtsııa qyzmetkeri, sondaı-aq 20 birlik tehnıka jumyldyryldy.

Polıtsııa qyzmetkerleri tótenshe jaǵdaı aımaǵynda evakýatsııalanǵan turǵyndardyń materıaldyq qundylyqtary men jeke múlkin qorǵaý boıynsha toptar qurdy.

Jergilikti aımaqtarda kóliktiń barlyq túrleriniń qozǵalysyn uıymdastyrý jáne retteý, sondaı-aq tótenshe jaǵdaı rejımin, azamattar men kólik quraldarynyń kelý jáne ketý tártibin qamtamasyz etý boıynsha jumystar júrgizilýde», - dep jazdy ІІM.

Qazirgi ýaqytta qoǵamdyq tártipti buzý faktilerine jol berilmegen.